Աշխարհ
22:38 23/07/2021

Ռուսական կողմը պատրաստել է մի շարք փաստաթղթեր. Զախարովա

Ռուսաստանի ԱԳՆ պաշտոնական ներկայացուցիչ Մարիա Զախարովան հայտնել է, որ ռուսական կողմը պատրաստել է մի շարք փաստաթղթեր, «որոնք կարող են Ադրբեջանի և Հայաստանի սահմանի սահմանազատման և սահմանագծման հարցերի քննարկումը կառուցողական դարձնել:

Նա ևս մեկ անգամ ընգծել է, որ կայուն դեէսկալացիան կարող է ապահովել միմիայն Ադրբեջանի և Հայաստանի միջև սահմանի սահմանազատման և հետագա սահմանագծման աշխատանքների անհապաղ մեկնարկը:

«Մենք պատրաստ ենք աջակցել այս ջանքերին քարտեզագրական տեղեկատվության միջոցով: Ռուսական կողմը պատրաստել է մի շարք փաստաթղթեր, որոնք կարող են քննարկումը կառուցողական դարձնել: Ներկայում այս թեմայի շուրջ շփումները շարունակվում են արտաքին քաղաքական, պաշտպանական գերատեսչությունների, ինչպես նաև երեք երկրների սահմանային ծառայությունների միջոցով», -ասել է նա:

Զախարովան նաև հույս է հայտնել, որ եռակողմ աշխատանքային խումբը, որը համանախագահում են փոխվարչապետերը և որը ստեղծվել է Ադրբեջանի, Հայաստանի և Ռուսաստանի ղեկավարների պայմանավորվածության համաձայն, շուտով կվերսկսի հանդիպումները:

«Մեր կարծիքով, դա հնարավորություն կտա անցնել փուլային համատեղ ենթակառուցվածքային նախագծերի իրականացմանը, ինչը լիովին համապատասխանում է Հայաստանի, Ադրբեջանի և ամբողջ Հարավային Կովկասի շահերին»,- ասել է Մարիա Զախարովան:

ՎԵՐՋԻՆ ԼՈւՐԵՐ

ՎԵՐ