Աշխարհ
12:04 01/04/2020

Ռուսաստանում 65 և բարձր տարիք ունեցող քաղաքացիները կորոնավիրուսի հետազոտություն կանցնեն

Ռուսաստանի Դաշնության գլխավոր սանիտարական բժիշկ Աննա Պոպովան մարզպետներին հանձնարարել է հետևել, որպեսզի 65-ից բարձր տարիքի ռուսները, ովքեր դիմել են բժշկական օգնության շնչառական հիվանդության ախտանիշներով, COVID-19-ի հայտնաբերման նպատակով լաբորատոր հետազոտություն անցնեն: Քանի որ ՌԴ-ում «Կորոնավիրուսի տարածումը կանխելու լրացուցիչ միջոցների մասին» հրամանագիր է ստորագրվել և այն ուժի մեջ է մտել ապրիլի 1-ից:

Հետազոտություններ կանցնեն նաև այն քաղաքացիները, ովքեր ՍՇՎՎ-ի ախտանիշներով այլ երկրներից ՌԴ են ժամանել:

Քրեակատարողական ծառայության հաստատություններում գտնվող անձանց և աշխատակազմին նույնպես կթեստավորեն:

Այս մասին հայտնում է Gazeta-ն:

Կորոնավիրուսի տարածման համաշխարհային վիճակագրությանը իրական ժամանակում կարող եք հետևել այս էջում՝ azat.tv/coronavirus, իսկ ախտանիշների և պաշտպանվելու հիմնական միջոցառումների մասին՝ կարդալ այստեղ։

ՎԵՐՋԻՆ ԼՈւՐԵՐ

Վերեվ