fbpx
Աշխարհ

Ռուսաստանում փորձարկել են «Կինժալ» նորագույն հրթիռի արձակումը

Ռուսաստանում անցկացվող «Միջազգային բանակային խաղերի» շրջանակներում առաջին անգամ ցուցադրվել է ռուսական «Կինժալ» նորագույն հրթիռի արձակումը մարտական ինքնաթիռներից։ Ինչպես և սպասելի էր, բուն հրթիռի թռիչքը տեսախցիկները չեն կարողացել արձանագրել հրթիռի բարձր արագության շնորհիվ։

Բանն այն է, որ հրթիռի արագությունը ձայնի արագությանը գերազանցում է 10 անգամ (ռազմական տերմինաբանությամբ՝ 10 Մախ է)։ Դա նշանակում է, որ սովորական մթնոլորտային ջերմաստիճաններում և նորմալ ճնշման դեպքում հրթիռը թռչում է վայրկյանում ավելի քան 3 կմ արագությամբ։

Ռուսական կողմի պնդմամբ՝ իր այս արագության շնորհիվ հրթիռը կարող է հաղթահարել ներկայումս գոյություն ունեցող հակաօդային պաշտպանության բոլոր զինատեսակների հսկողությունը։ Այն իր մեջ կարող է կրել ինչպես սովորական, այնպես էլ միջուկային մարտագլխիկ։

Հրթիռը կարող է թռչել մինչև 2000 կմ։

ԱՄԵՆԱԴԻՏՎԱԾՆԵՐԸ

ՎԵՐ