Ժնևում ընթացող միջազգային քննարկումների 47-րդ փուլի ավարտին Վրաստանի արտաքին գործերի փոխնախարար Լաշա Դարսալեն հայտարարել է, որ Ռուսաստանը կրկին ընտրում է Վրաստանին ուղղված սպառնալիքների և ճնշումների ուղին` եվրաատլանտյան ուղղությամբ մղումներն արգելակելու համար։
«Այսօր ռուսական կողմը դժգոհություն հայտնեց այն փաստի առնչությամբ, որ Վրաստանը զորավարժություններ է անցկացնում ՆԱՏՕ-ի հետ: Դա Վրաստանի սուվերեն իրավունքն է և ուղղված չէ երրորդ կողմի դեմ», – ասել է փոխնախարարը:
