Իրավական

Սահմանադրական փոփոխությունները՝ քաղաքացիների մասնակցությամբ․ Նարեկ Այվազյան

Իսլանդական օրինակով՝ քաղաքացիերի մասնակցությամբ Սահմանադրական փոփոխություններ

Ինչպես 2015 թվականի Սահմանադրական փոփոխություններից առաջ՝ Էլեկտրիկ Երևանից մինչև հանրաքվեն, այնպես էլ «բարեփոխումների» քարոզարշավի ընթացքում ասել եմ, և նույնն էլ հիմա կկրկնեմ, որ Սահմանադրությունը, որպես մայր օրենք պետք է ձևավորել քաղաքացիների սկզբունքների, արժեքների, ավանդույթների հիման վրա ստեղծված կարծիքները, մոտեցումները և գաղափարները մշակելով մասնագիտական հանձնաժողովներում: Այդ մշակումը կարող է արտահայտել ժողովրդի գիտակցությունը, կամքը և համակեցության հիմնարար կանոնները, որը կարելի է դնել հանրաքվեի:

Մասնագիտական հանձնաժողովները պետք է լինեն երկու մակարդակի՝
ա. Տարբեր մասնագիտական ոլորտների ներկայացուցիչներից բաղկացած հանձնաժողով:
բ. Իրավագետներից բաղկացած հանձնաժողով:

Կարծիքների, գաղափարների և մոտեցումների հավաքագրումը ներկայումս շատ դյուրին կարելի է իրականացնել սոցիալական հարթակներում, ինչպես նաև այլ հնարավոր և ավանդական դարձած միջոցներով: Այսպիսի ներգրավվածությունը և մասնակցությունը մի քանի քայլ կբարձրացնի քաղաքացիների իրավագիտակցության մակարդակը: Այսպիսի ընդգրկուն գործընթացը նոր թափ կհաղորդի մեր երկրի ժողովրդավարացմանն ու նիրհի մեջ գտնվող տնտեսությանը: Սա արդարադատության ու պահանջատիրության նոր որակներ կարթնացնի քաղաքացիների մեջ:

Հ.Գ. Իսլանդիան 2008-ի տնտեսական ճգնաժամից հետո դատապարտեց իր կոռումպացված ղեկավարներին, որոնց մեղավորությամբ տեղի էր ունեցել ֆինանսաբանկային թալան, և, որի արդյուքով երկիրը կանգնել էր կոլապսի առաջ, ու հրաժարվեց միջազգային պարտավորությունները կատարել ՀԲ-ի, ԱՄՀ-ի առաջ՝ պնդելով, որ պատասխանատվությունը կրում են կոռուպցիոներները, այլ ոչ թե ժողովուրդը: Եվ 2010-ին գնացին Սահմանադրական փոփոխությունների, որը նաև պետք է արգելափակեր նման արարքները, ինչի սողանցք տվել էր հենց իրենց սահմանադրությունը: Ի դեպ, Իսլանդիան ամենահին խորհրդարանական պետությունն է:

Նարեկ Այվազյան

Իսլանդական օրինակով՝ քաղաքացիերի մասնակցությամբ Սահմանադրական փոփոխություններԻնչպես 2015 թվականի Սահմանադրական…

Geplaatst door Narek Ayvazyan op Zaterdag 1 februari 2020

ՎԵՐՋԻՆ ԼՈւՐԵՐ

ՎԵՐԵՎ