Ապրիլի 5-ին կայանալիք Սահմանադրական փոփոխությունների հանրաքվեի «Այո»-ի շտաբը կղեկավարի ՀՀ տարածքային կառավարման և ենթակառուցվածքների նախարար Սուրեն Պապիկյանը: Այս մասին հայտնել է նախարարի մամուլի խոսնակ Արմինե Մուրադյանը:
Նշենք, որ Պապիկյանը ղեկավարում էր նաև 2018-ի խորհրդարանական ընտրությունների «Իմ քայլը» դաշինքի նախընտրական շտաբը։
Հիշեցնենք, որ Սահմանադրությունում փոփոխությունների նախագծով խորհրդարանական մեծամասնությունն առաջարկում է դադարեցնել Սահմանադրական դատարանի նախագահ Հրայր Թովմասյանի և 6 անդամների լիազորությունները։
ԿԸՀ-ն այսօր հրապարակել է Սահմանադրական փոփոխությունների ժամանակացույցը, որի համաձայն քարոզարշավը կմեկնարկի փետրվարի 17-ից:
Աղբյուրը՝ Armtimes.com
