Ինչպես արդեն տեղեկացրել էինք, Մոսկվայում ընթանում է ԱՊՀ երկրների ԱԽ քարտուղարների ամենամյա հանդիպումը, որին մասնակցում են նաև Հայաստանի, Ռուսաստանի ու Ադրբեջանի ԱԽ քարտուղարները, ինչպես նաև՝ ՀԱՊԿ գլխավոր քարտուղար Ստանիսլավ Զասը։
Վերջինս իր ելույթում անդրադարձավ նաև հայ-ադրբեջանական սահմանային իրավիճակին, նշելով, որ երկու երկրների սահմանին իրավիճակը շարունակում է լարված մնալ։
Զասը, խոսելով տարածաշրջանային անվտանգության մասին, ասաց, որ ՀԱՊԿ անդամ պետւթյունների համար ռազմական վտանգի մակարդակը չի նվազում։
