Երևանի քաղաքապետարանի դիմաց «Սանիթեք» ընկերության աշխատակիցների բողոքի ակցիա են իրականացնում:
Ակցիայի մասնակիցների խոսքով՝ քաղաքապետարանը հրաժարվել է ընդունել օգոստոս ամսվա հաշիվ ապրանքագրերը և կատարողականները:
Դրա հետևանքով «Սանիթեք»-ի աշխատակիցները չեն ստացել աշխատավարձ, թեև իրենց խոսքով, լավ, թե վատ, բայց աշխատել են: «Սանիթեք»-ի ղեկավարությունը իր աշխատակիցներին նաև չի տեղեկացրել իր հետագա քայլերի մասին: Բողոքողների խոսքով, իրենք աշխատել են օգոստոս ամսին, բայց տեղեկացված չեն եղել, որ ընկերությունը փակվում է:
