«Չելսիի» գլխավոր մարզիչ Մաուրիցիո Սարին «Բորնմութի» հետ անցկացրած խաղից հետո որոշել է տուն հասնել ոչ թե թիմային ավտոբուսով, այլ` ինքնուրույն:
Լոնդոնյան թիմը, հիշեցնենք, 0:4 հաշվով պարտություն է կրել այդ խաղում, իսկ Սարին հանդիպումից հետո քննադատել է թիմին:
Ինչպես հայտնում է The Telegraph-ը, խաղից հետո Սարին 50 րոպե շփվել է հանդերձարանում, որպեսզի հասկանա պարտության պատճառները, ընդ որում մարզիչներից ոչ մեկը Սարիի հետ ներկա չի եղել այդ խոսակցությանը:
Նշվում է, որ իտալացի մասնագետը քննադատել է մի շարք ֆուտբոլիստների, այդ թվում հարձակվող Էդեն Ազարին:
«Չելսին» ԱՊԼ-ի մրցաշարային աղյուսակի 4-րդ հորիզոնականն է զբաղեցնում` իր ակտիվում ունենալով 47 միավոր:
Հաղորդում է armsport.am-ը։