Սաուդյան Արաբիան ԱՄՆ-ին թույլ է տվել զորքեր տեղակայել իր տարածքում

Սաուդյան Արաբիայի թագավոր Սալման բեն Աբդել Ազիզ էլ Սաուդը հայտարարել է, որ ամերիկյան կողմին թույլ է տալիս զինվորականներ տեղակայել երկրի տարածքում։ Այս մասին հաղորդում է Reuters-ը։

Աղբյուրը հայտնում է, որ սկզբի համար Սաուդյան Արաբիա շուրջ 500 ամերիկացի կմեկնի։ Նրանք կհետևեն տարածաշրջանում անվտանգությանը և կկանխեն երկրի նկատմամբ սպառնալիքները։

Վերջին տվյալներով՝ Սաուդյան Արաբիա ամերիկյան զորքեր ուղարկելու գործողությունն արդեն մեկնարկել է։