fbpx
Աշխարհ

Սաուդյան Արաբիան տարածաշրջանում լարվածություն է հրահրում. Իրան

Սաուդյան Արաբիան տարածաշրջանում լարվածություն է հրահրում իր ռազմականացված քաղաքականությամբ և ճգնաժամը սադրելով: Այս մասին հայտարարել է Իրանի ԱԳՆ ներկայացուցիչ Աբբաս Մուսավին: Այս մասին հաղորդում է Mehr-ը:

Այդպիսով Մուսավին մեկնաբանել է Սաուդյան Արաբիայի թագաժառանգ արքայազն Մուհամմեդ բեն Սալմանի այն մեղադրանքները, որոնց համաձայն՝ Իրանը պատասխանատու է Օմանի ծոցում լցանավերի վրա հարձակման համար:

Նրա խոսքով՝ արքայազնի մեղադրանքները վկայում են Սաուդյան Արաբիայի սխալ մոտեցման մասին:

«Սաուդյան Արաբիան չի ընկալում տարածաշրջանային իրավիճակն ու շարունակում է իր ռազմականացված քաղաքականությունը, ճնգնաժամի ու լարվածության հրահրումը»,- հավելել է Մուսավին:

Նա նաև հույս է հայտնել, որ թագավորությունը ճիշտ ուղու վրա կկանգնի և նոր քաղաքականություն կվարի՝ հիմնված երկխոսության և փոխգործակցության վրա:

 

ԱՄԵՆԱԴԻՏՎԱԾՆԵՐԸ

ՎԵՐ