Սաուդյան Արաբիայի թագավոր Սալման իբն Աբդուլ Ազիզ ալ Սաուդը Իրաքին 1 մլրդ դոլար է նվիրել՝ Բաղդադում մարզադաշտի կառուցման համար:
Ըստ լրագրողների` Սաուդյան Արաբիայի առևտրի և ներդրումների նախարար Մաջիդ ալ Քասաբին հայտնել է Իրաքի նախագահ Բարհամ Սալեհին նվերի մասին նրա` Էր Ռիադ կատարած այցի ժամանակ:
Նշվում է, որ 2018-ի մարտին Իրաքի կառավարությունը հայտնել էր մինչև 100,000 հանդիսատեսի համար նախատեսված մարզադաշտ կառուցելու մտադրության մասին: Գրեթե մեկ տարի անց թագավորության դեսպանը հայտարարել է, որ ծրագրերն ընդլայնվել են և խոսքն արդեն ոչ միայն ստադիոնի, այլ մի ամբողջ մարզական ավանի մասին է:
Սաուդյան Արաբիայի` Իրաքի հետ հարաբերությունները բարելավելու ցանկությունը պայմանավորված է Իրաքն Իրանի ազդեցությունից դուրս բերելու մղումով:
