Շախմատի ԱԱ․ Հայաստանի հավաքականը պարտվել է Ռուսաստանին

Աստանայում անցկացվող շախմատի կանանց աշխարհի թիմային առաջնության երկրորդ տուրում Հայաստանի հավաքականը 0.5-3.5 հաշվով պարտվել է Ռուսաստանի թիմին:

Էլինա Դանիելյանը, Աննա Սարգսյանը և Սիրանուշ Ղուկասյանը պարտություն են կրել, իսկ Լիլիթ Մկրտչյանը ոչ-ոքի է ավարտել Վալենտինա Գունինայի հետ պարտիան:

Մարտի 7-ին կայանալիք երրորդ տուրում Հայաստանի հավաքականը կխաղա Հնդկաստանի թիմի հետ։

Հիշեցնենք, որ առաջին տուրում հայ շախմատիստուհիները 4-0 հաշվով վստահ հաղթանակ էին տարել Եգիպտոսի հավաքականի նկատմամբ։

Աղբյուր` armnoc.am