Երգչուհի Շակիրան նախկին ամուսնուց բաժանվելուց հետո պատրաստվում է որդիների հետ երեք շաբաթից տեղափոխվել Մայամի, գրում են միջազգային լրատվամիջոցները։
Անցյալ տարի հայտնի էր դարձել, որ նա որդիների՝ 10-ամյա Միլանի և 8-ամյա Սաշայի հետ տեղափոխման որոշումը կայացրել է նախկին ամուսնու՝ ֆուտբոլիստ Ժերար Պիկեի հետ երեխաների խնամակալության գործարքի շուրջ բանակցություններից հետո:
Սպասվում էր, որ երգչուհին ԱՄՆ կտեղափոխվի հունվարի սկզբին, սակայն նա ստիպված էր հետաձգել ամսաթիվը 91-ամյա հոր՝ Ուիլյամ Մուբարաքի վատառողջության պատճառով:
Այժմ հաղորդվում է, որ Շակիրան Մայամի կտեղափոխվի ապրիլի 1-ին:
Շակիրան և Պիկեն նոյեմբերին հաստատել են, որ երկարատև բանակցություններից հետո համաձայնության են եկել երեխաների խնամակալության մասին պայմանագրի շուրջ: Նրանք պայմանագիրը ստորագրել են դեկտեմբերին Բարսելոնայի դատարանում:
Դրանում ասվում է, որ «Բարսելոնայի» նախկին պաշտպանը, որն այժմ հանդիպում է 23-ամյա կատալոնացի ուսանողուհի Կլարա Չիայի հետ, արձակուրդը կանցկացնի իր երեխաների հետ:
ԽՈՐՀՈւՐԴ Է ՏՐՎՈւՄ ԿԱՐԴԱԼ
