Հայաստանի Հանրապետության վարչապետ ընտրվելու առթիվ՝ Նիկոլ Փաշինյանին շնորհավորական ուղերձներ են հղել Լեհաստանի վարչապետ Մատեուշ Մորավեցկին և Չեխիայի վարչապետ Անդրեյ Բաբիշը։
Այս մասին տեղեկանում ենք ՀՀ վարչապետի պաշտոնական կայքից։
Մորավեցկիի շնորհավորանքում մասնավորապես ասված է․
«Լեհաստանի Հանրապետությունը և Հայաստանի Հանրապետությունը միավորված են բազմադարյա բարեկամության և համագործակցության կապերով: Ես համոզված եմ, որ մեր հարաբերությունները շարունակելու են զարգանալ և ամրապնդվել»։
Ավելի մանրամասն՝ այստեղ։
Բաբիշի շնորհավորանքում մասնավորապես ասված է․
«Չեխիայի Հանրապետությունը լիովին սատարում է Ձեր ջանքերին՝ միտված Հայաստանում ժողովրդավարական սկզբունքների և ինստիտուտների հզորացմանը և պատրաստ է շարունակել կիսել իր փորձը այդ փոփոխությունների ճանապարհին»։
Ավելի մանրամասն՝ այստեղ։