Քաղաքականություն

Շուշիում հայտնաբերված Իսկանդեր-Մ հրթիռի հարցը քննարկվում է Ադրբեջանի և ՌԴ-ի միջև

Կրեմլի մամուլի խոսնակ Դմիտրի Պեսկովը լրագրողների հետ զրույցում նշել է, որ Շուշիում «Իսկանդեր-Մ» հրթիռ հայտնաբերելու թեման քննարկվում է Ադրբեջանի և Ռուսաստանի միջև սերտ երկխոսությամբ:

«Զինվորականների գծով իրականացվում է սերտ երկխոսություն, որի ընթացքում քննարկվում են համապատասխան բոլոր հարցերը»,- ասել է նա՝ ի պատասխան այն հարցի, թե արդյոք այդ հարցը քննարկվել է Ռուսաստանի և Ադրբեջանի նախագահների հեռախոսազրույցի ընթացքում:

Այն հարցին, թե Պուտինն ու Ալիևը քննարկել են Հայաստանի և Ադրբեջանի սահմանին 2020թ. նոյեմբերին ռուսական ուղղաթիռի խոցման հարցը, Պեսկովը բացասական է պատասխանել։

Մինչ այս Ալիևը հայտարարել էր, որ Ռուսաստանի նախագահի հետ ապրիլի 1-ին քննարկել է «Իսկանդեր-Մ»-ի հարցը: Նա նաև ասել էր, որ ապրիլի 4-ին Ադրբեջանի ՊՆ-ն իր ռուս գործընկերներին դրա վերաբերյալ պաշտոնական հարցում էր ուղարկել:

ՎԵՐՋԻՆ ԼՈւՐԵՐ

ՎԵՐԵՎ