fbpx
Արցախ

Շուշիում իտալական կրթական ծրագրերով կկառուցվի ավագ դպրոց-արհեստագործական նոր ուսումնարան

Արցախի նախկին վարչապետ, «Ազատ հայրենիք» կուսացության նախագահ Արայիկ Հարությունյանը Facebook-ի իր էջում գրել է․

«Հարգելի՛ հայրենակիցներ

Խոսքս ուզում եմ սկսել շատ լավ նորություններով: Իտալիայի Լոմբարդիայի շրջանի փոխնահանգապետ Ֆաբրիցիո Սալայի հետ հանդիպում եմ ունեցել՝ քննարկելու ծավալվելիք համագործությանը վերաբերող հարցեր: Պարոն Սալայի հրավերով մասնակցել եմ իրենց երկրամասում կառուցվելիք միջին մասնագիտական կրթության նոր դպրոցի նախագծի քննարկմանը, ծանոթացել կրթական ծրագրերին ու դասավանդվող մասնագիտություններին` ձեռք բերելով մի շարք կարևոր պայմանավորվածություններ:

Մասնավորապես՝ կստեղծվի հայ-իտալական հիմնադրամ, որի աջակցությամբ Շուշի քաղաքում իտալական կրթական ծրագրերով կկառուցվի ավագ դպրոց-արհեստագործական նոր ուսումնարան: Այն ինչ-որ առումով մրցակից կլինի Շուշիում ֆրանսիական կրթական մոդելի օրինակով գործող և մեծ համբավ ձեռք բերած Եզնիկ Մոզյան ուսումնարանի համար՝ բայց հիմնականում առաջարկելով նոր մասնագիտություններ:

✔️Նոր ուսումնական հաստատությունը մեր երեխաներին կմասնագիտացնի սննդի, հյուրանոցային ու ռեստորանային սպասարկման ծառայությունների, խճանկարչության (մոզաիկա), փայտագործության, պրոշուտոյի (իտալ.՝ prosciutto՝ խոզապուխտ) պատրաստման, պանրագործության, գինեգործության և շատ այլ ոլորտներում: Իտալիան, ինչպես գիտենք, հատկապես գինեգործությամբ ու պանրագործությամբ, աշխարհի առաջատարներից է, իսկ Արցախում այդ երկու ճյուղերի զարգացումը մեծ հեռանկարներ ունի:

✔️Իտալական կողմի հետ ձեռք բերված հաջորդ պայմանավորվածությունը Ստեփանակերտի արհեստագործական դպրոցի վերազինումն է նոր սարքավորումներով: Այն ուսումնարանի սաներին հնարավորություն կտա մասնագիտանալու սննդի և ծառայությունների ոլորտում:

✔️Երրորդ առաջարկս, որի իրականացման համար իտալացիներն իրենց պատրաստակամությունը հայտնեցին, Արցախում գործող արհեստագործական դպրոցների սաների համար վերապատրաստման դասընթացների կազմակերպումն է Իտալիայում: Այն նախատեսվում է իրականացնել մոտ ապագայում:

✔️Եվ չորրորդը՝ Ստեփանակերտում իտալական տան բացումն է, որտեղ արհեստագործական ուսումնարանների՝ սննդի ոլորտում մասնագիտացող աշակերտները հաճախորդներին կարող են իրենց խոհարարական հմտությունները ցուցադրել: Ծրագրին գործնականում ծանոթանալու համար այցելել եմ տեղում գործող հաստատություն և շատ տպավորված եմ ուսուցման կիրառվող մեթոդներից:

Զարգացած, հզոր և բարձր կենսամակարդակ ունեցող Արցախի տեսանելի ապագայի մեր խոստումն իրականացնելու համար առաջին հերթին անհրաժեշտ են բարձրակարգ մասնագետներ, և ամենակարևորը, այդ մասնագետների պատրաստման սեփական դարբնոցի ստեղծում, որին էլ հետամուտ ենք…

Անելիք շատ ունենք…»։

https://www.facebook.com/ArayikHarutyunian/posts/426867801343932?__xts__%5B0%5D=68.ARDINm3j_YzQq1VYPoGeZc-y_W0Blxu25GlbnrGKA7t5q8EIgppMd3AxG4Aje13WicMHA2zNVIfmgZUiOP-tyomdEuEtNceSiQygWytpZd41wzzWxQpoqUavgmA1p8Cgc6Efpg-7jqyLK-orGb6G1TDY2qI1hmmxO5ddyiCoBy3aJ8DWqFg5AKM5rdYYruiNZ7fI0SEQhVTExh37NTwRPyElGf70V0xHLE2sZcvr9eT49JEO_n_t3MqGa1h1hRDUh9c2Hw2_Ntv6RE1qFOOkQvFcNfnmZe2ufhKxM68DQS-sru47yIc3_VWst2ybT4IJvXotXGiNMIp4C0XRVn1qBBY&__tn__=-R

ԱՄԵՆԱԴԻՏՎԱԾՆԵՐԸ

ՎԵՐ