РИА Новости-ի փոխանցմամբ՝ Ռուսաստանի նախագահ Վլադիմիր Պուտինի հրամանագրով՝ Սիմֆերոպոլի օդանավակայանը անվանակոչվել է աշխարհահռչակ ծովանկարիչ Հովհաննես Այվազովսկու անունով։
«Որոշում եմ Հայրենիքի հանդեպ առանձնահատուկ վաստակ ունեցող անձանց անունները շնորհել հետևյալ օդանավակայաններին՝… Սիմֆերոպոլի միջազգային օդանավակայանին՝ Հ.Կ. Այվազովսկու անունը», – ասված է Հրամանագրում։ Այն ուժի մեջ է մտել դրա ստորագրման պահից։
