Հայտնի դերասանուհի Սքարլետ Յոհանսոնը Vanity Fair-ին տված հարցազրույցի ժամանակ հայտնել է, որ Ռոբերտ Դաունի կրտսերի դերակատարմամբ «Երկաթե մարդը» ֆիլմն է նրան ոգեշնչել միանալ Marvel կինոստուդիային։
«Ֆիլմ ինձ շատ դուր եկավ։ Առաջ երբևէ նման բան չէի տեսել։ Ես սուպերհերոսների կամ այդ ժանրի երկրպագու չէի, բայց ֆիլմը նորարարական էր»,-ասել է 35-ամյա դերասանուհին։
Յոհանսոնի խոսքով՝ հենց այդ ժամանակ էլ ցանկացել է աշխատել Marvel կինոստուդիայի հետ։
Դերասանուհին ռեժիսոր Ջոն Ֆավրոյի հետ ծանոթացել է «Երկաթե մարդը 2» ֆիլմի «Սև այրին» դերի քասթինգի ժամանակ, որը ռեժիսորը հետագայում վստահել էր Էմիլի Բլանտին։
Սակայն, հուրախություն Յոհանսոնի, Էմիլին զբաղվածության պատճառով ստիպված է լինում հրաժարվել դերից և կինոընկերությունը դերը Յոհանսոնին է վստահում։
«Ես քինախնդիր մարդ չեմ, ուստի չափազանց երջանիկ էի դերի առաջարկի համար»,-հայտնել է դերասանուհին։
