Ձեռնարկատեր, սուրճի վաճառքի Starbucks ցանցի նախկին ղեկավար Հովարդ Շուլցը դիտարկում է ԱՄՆ նախագահի պաշտոնում որպես անկախ թեկնածու առաջադրվելու հնարավորությունը։ Նա կարող է նախագահի պաշտոնի համար պայքարին մասնակցել 2020 թվականին։ Այս մասին հայտնում է CNN-ը՝ հղում անելով գործարարի շրջապատին։
Աղբյուրի փոխանցմամբ՝ Շուլցը մտածում է իր ապագայի և այն մասին, թե ինչպես կարող է լավագույնս ծառայել երկրին։
Հայտնի է, որ Շուլցը քննադատում է ինչպես ԱՄՆ նախագահ Դոնալդ Թրամփին, այնպես էլ նրա հակառակորդ դեմոկրատներին։
ԱՄՆ հերթական նախագահական ընտրությունները տեղի կունենան 2020 թվականի նոյեմբերի 3-ին։
Գրում է shantnews.am-ը։