fbpx
Հասարակություն

Ստեփանակերտում կկազմակերպվի «Իմ սեր Հայաստան» խորագրով ֆլեշմոբ

«Հաղթանակած» համահայկական երիտասարդական նախաձեռնությունը նոյեմբերի 10-ին՝ ժամը 17:00-ին Ստեփանակերտի Վերածննդի հրապարակում կկազմակերպի «Իմ սեր Հայաստան» խորագրով ֆլեշմոբ:

Այս մասին ասել է «Հաղթանակած» նախաձեռնության համահիմնադիր Հովհաննես Հարությունյանը: Նրա խոսքով՝ նախաձեռնության կողմից մեկնարկել էր «Իմ սեր Արցախ» խորագրով ֆլեշմոբը, որի նպատակն էր Արցախը, որպես հայրենիք, ևս մեկ անգամ կարևորել:

Ինչպես տեղեկացնում է Արցախպրեսը՝ «Ֆլեշմոբը մեկնարկել էր ֆեյսբուքյան հարթակում: Այնուհետև նոյեմբերի 5-ին Հյուսիսային պողոտայում շուրջ 300 երիտասարդներ համախմբվեցին միասնական քոչարիի շուրջ և հայրենասիրական երգերի ներքո ծածանեցին Արցախի 150 մետրանոց դրոշը: Հենց միջոցառման ընթացքում մեզ մոտ գաղափար ծագեց Ստեփանակերտում կազմակերպել «Իմ սեր Հայաստան» խորագրով ֆլեշմոբ, որի ընթացքում էլ մեծ շուքով կծանանենք Հայաստանի դրոշը»,- նշել է Հ. Հարությունյանը:

ԹԱՐՄ ԼՈւՐԵՐ

Վերեվ