Հոկտեմբերի 17-ին, ժամը 19:00-ին, Կոմիտասի անվան կամերային երաժշտության տանը կանցկացվի գրող Հասմիկ Սարգսյանի «Հայրենիքը բառ չէ» և «Հրդեհիր մորենուն» գրքերի շնորհանդեսը:
Միջոցառման շրջանակում համերգով հանդես կգա Հնագույն երաժշտության «Տաղարան» համույթը (գեղարվեստական ղեկավար և դիրիժոր, ՀՀ մշակույթի վաստակավոր գործիչ՝ Սեդրակ Երկանյան):
«Հայրենիքը բառ չէ» խորագրով միջոցառմանը համույթի հետ որպես մենակատարներ հանդես կգան Լուսինե Մարկոսյանը, Պերճ Քարազյանը, Հովսեփ Նշանյանը, Գալինա Ցոլակյանը:
Կհնչեն Հասմիկ Սարգսյանի խաղիկները և բանաստեղծությունների հիման վրա գրված ռոմանսները:
Այս մասին տեղեկացնում են ՀՀ ԿԳՄՍՆ պաշտոնական կայքից։
