Աֆղանստանում հաստատված «Թալիբան» արմատական խմբավորման անդամները հայտարարել են այդ երկրում իսլամի սկզբունքների վրա հիմնված Սահմանադրություն ստեղծելու անհրաժեշտության մասին: Interfax-ի փոխանցմամբ՝ այս մասին Մոսկվայում հայտարարել է «Թալիբանի» պատվիրակության ղեկավար Շեր Մոհամմադ Աբաս Ստանիկզայը:
«Անհրաժեշտ է, որ Սահմանադրությունը հիմնված լինի իսլամի սկզբունքների, ազգային շահերի, պատմական ձեռքբերումների ու սոցիալական արդարության վրա: Նման Սահմանադրության ծրագիրը պետք է կազմվի աֆղան գիտնականների ու մտավորականների կողմից՝ ազատ գաղափարախոսության սկզբունքով»,- հայտարարել է նա:
Ստանիկզայը հայտարարել է, որ Սահմանադրության ներկայիս տարբերակը խոչընդոտում է Աֆղանստանում խաղաղության հաստատմանը:
Գրում է shantnews.am-ը։
