«Թալիբանը» կանանց արգելել է այցելել Քաբուլի զբոսայգիներ: Խմբավորումը հայտարարել է, որ զբոսայգիներում չեն պահպանվում իսլամական օրենքները: Աֆղանստանի Արատի և առաքինության նախարարության խոսնակը BBC-ին հայտնել է, որ երկրի մայրաքաղաքի զբոսայգիների վարչակազմերին հրահանգվել է կանանց ներս չթողնել:
Ըստ «Թալիբանի» օրենքների՝ կանանց թույլատրվում է զբոսայգիներ այցելել շաբաթական երեք օր՝ կիրակի, երկուշաբթի և երեքշաբթի, իսկ տղամարդիկ զբոսայգի են այցելում մնացած չորս օրերին: Այժմ կանանց մուտքը կարգելվի, նույնիսկ, եթե նրանց ուղեկցում է տղամարդ ազգական:
Կանանց մուտքի արգելքը տարածվում է այն զբոսայգիների վրա, որտեղ կան կարուսելներ և ուր ընտանիքներն այցելում են իրենց երեխաների հետ միասին: Այս կանոնն առայժմ գործում է միայն Քաբուլում: