Մարդու իրավունքների պաշտպանի աշխատակազմի հանրային կապերի բաժնից հայտնում են, որ ՄԻՊ Արման Թաթոյանը Կարմիր խաչի միջազգային կոմիտեի հայաստանյան պատվիրակության ղեկավարին ներկայացրել է Տավուշի հրետակոծությունների վերաբերյալ արձանագրած տեղեկությունները։
Արման Թաթոյանն այսօր հեռախոսային քննարկում է ունեցել Կարմիր խաչի միջազգային կոմիտեի հայաստանյան պատվիրակության (ICRC) ղեկավար Քլեր Մեյթրոի հետ:
«Պաշտպանը ներկայացրել է Հայաստանի Տավուշի մարզի ուղղությամբ հուլիսի 12-ից ադրբեջանական զինված ուժերի կողմից մարզի քաղաքացիական բնակավայրերի ուղղությամբ իրականացվող գնդակոծությունների և հրետանակոծությունների վերաբերյալ աշխատակազմի արձանագրած տեղեկությունները, ինչպես նաև քաղաքացիական բնակավայրերից Մարդու իրավունքների պաշտպանին հասեցագրվող ահազանգերը։
Ուշադրություն է հրավիրվել նաև Պաշտպանի միջազգային զեկույցների վրա։ Դրանք կուղարկվեն նաև Կարմիր խաչի Ժնևի գրասենյակ»,- ասված է հաղորդագրության մեջ։
https://www.facebook.com/Armenianombudsman/posts/1451451828375610?__xts__[0]=68.ARCkFqwk6Jci2DL-wB2SSCMedK3BJT0mroREdQWPpmfzvPnQu5lZ634WX-N3zwZzYM1iaL6AWYdHZ6IDeZkq0l0nXFqZii19TrjZ8gA3fV806BsrFxzEHeAPTnKOMmVENKWykDjzGAL7o9iIEXT8ZXV27LB2z6MLTIwpPlrXQdhLoZs-YVcbIKP5PYPx4n1l6C3-4ylVAHtlYfKcYj1HBEoSb82XjfD7oZQh-qYCJRZQeoI0MprLyS33NCoWVlGTNDZwgoeEG0b-7WNgkiyPdjwdcrgbW4e2seI7fySbpm1ozzQ7-Eb_7-XCg9wOy8HIaapICsTbvWf7ZbkCABQe2nn3VA&__tn__=-R