fbpx
Սպորտ

Տեր Շտեգենը շանս կստանա ազգային հավաքականում իր լավագույն որակները դրսևորելու համար. Լյով

Օրեր առաջ «Բարսելոնայի» դարպասապահ Մարկ Անդրե Տեր Շտեգենը իր դժգոհությունն էր հայտնել այն հարցի շուրջ, որ ազգային թիմում ստիպված է երկրորդ համարը լինել «Բավարիայի» դարպասապահ Մանուել Նոյերից հետո։

Այս թեմային է անդրադարձել Գերմանիայի ֆուտբոլի ազգային հավաքականի գլխավոր մարզիչ Յոահիմ Լյովը ։

«Մենք ուրախ ենք, որ մեր տրամադրության տակ ունենք համաշխարհային մակարդակի երկու դարպասապահների։ Տրապը և Լենոն ևս կարող են մրցակցել նրանց հետ։ Հասկանալի է, որ նրանցից յուրաքանչյուրը ցանկանում են խաղային ժամանակ ստանալ ազգային թիմի կազմում։ Ամեն ինչ այդպես էլ պետք է լինի։ Նրանք բոլորը մեծ ամբիցիաներ ունեն։

Մենք անպայման շանս տալու ենք Տեր Շտեգենին իր լավագույն որակները դրսևորելու համար։ Մենք հասկանում ենք նրա հիասթափությունը, բայց խաղալ կարող է միայն մեկ դարպասապահ։ Մանուելը մի քանի հրաշալի խաղեր է անցկացրել վերջին շրջանում։ Նա մեր ավագն է»,- Լյովի խոսքերն է փոխանցում Bild-ը։

Հատկանշական է, որ Մարկ Անդրե Տեր Շտեգենը տեղ չունի ազգային հավաքականի մեկնարկային կազմում, չնայած ակումբի կազմում ցուցաբերվող ֆանտաստիկ խաղին։

ԱՄԵՆԱԴԻՏՎԱԾՆԵՐԸ

ՎԵՐ