Մշակույթ
21:50 14/05/2020

Ռեմբրանտի` բարձր ռեզոլյուցիայով նկարի վերականգնման աշխատանքները վերսկսվում են

Ամստերդամի Ռիյսկմյուզիում թանգարանը առցանց հրապարակել է Ռեմբրանտի «Գիշերային դետք»-ի երբևէ արված ամենամանրակրկիտ լուսանկարը՝ արտացոլելով յուրաքանչյուր վրձնահարված:

Այսպես ասած՝ բարձր ռեզոլյուցիայով պատկերը հրապարակվեց, քանի որ թանգարանը հայտարարեց կտավի վերականգնման աշխատանքների հետաձգման մասին: 528 տարբեր լուսանկարներից պատրաստված 44.8 գիգապիքսելանոց պատկերը հնարավորություն է տալիս դիտողներին խոշորացնել և ուսումնասիրել կտավի յուրաքանչյուր մասը:

Լուսանկարը հետազոտողների համար տեղեկատվության կարևոր աղբյուր է, և այն առցանց այցելուներին թույլ կտա ուսումնասիրել Ռեմբրանտի գլուխգործոցը և հիանալ ամեն մի մանրուքով:

12 ռեստավրատորներից բաղկացած թիմը իր աշխատանքները սկսել էր անցյալ տարվա հուլիսին, սակայն սոցիալական հեռավորության պահանջներից ելնելով` վերականգնման ավարտը ձգձգվում է:

Նախատեսվում էր 2-րդ փուլը սկսել 2020թ ամռանից հետո, սակայն սա այլևս իրագործելի չէ և այն տեղի կունենա 2021թ սկզբին: Քանի որ այդ աշխատանքները կատարվում են ապակյա տաղավարում, և անհրաժեշտ է պահպանել 1.5 մ հեռավորություն, ապա ընդամենը 2 հոգի կարող է կատարել այդ աշխատանքը:

Ռիյսկմյուզիում թանգարանը կվերաբացվի հունիսի 1-ին, սակայն օրական 10,000 այցելուի փոխարեն կընդունեն 2.000-ին` պահպանելով սոցիալական հեռավորություն: Այս մասին հաղորդում է Guardian-ը։

Արմինե Գասպարյան

ՎԵՐՋԻՆ ԼՈւՐԵՐ

Վերեվ