fbpx
Առողջապահություն
18:20 22/01/2020

Ուղևորահոսքեր սահմանափակելու կարիք չունենք․ Թորոսյանը՝ Չինաստանում ի հայտ եկած վիրուսի մասին

ՀՀ առողջապահության նախարար Արսեն Թորոսյանը Չինաստանում ի հայտ եկած նոր վիրուսի՝ կորոնավիրուսի Հայաստան հնարավոր ներթափանցումը բացառելու նպատակով սահմանը փակելու կամ ուղևորահոսքը սահմանափակելու կարիք չի տեսնում: Այս մասին նա ասաց ԱԺ-կառավարություն հարցուպատասխանի ընթացքում՝ պատասխանելով «Իմ քայլը» խմբակցության պատգամավոր Միքայել Զոլյանի հարցին:

Նա նշեց, որ իրենք խորությամբ տեղյակ են իրադարձություններին, որոնք սկսվել են Չինաստանում:

«Այս պահի դրությամբ կարող եմ ասել, որ ինտենսիվ քննարկումներ և հետազոտություններ են ընթանում միջազգային մակարդակով: Մի քանի ժամ առաջ ավարտվել է ԱՀԿ հատուկ ռեժիմով քննարկումը, որի ընթացքում որոշվել է, թե ինչպես է աշխարհն արձագանքելու այս նոր մարտահրավերին: Գիշերը, ժամը 22:00-ին տեղի է ունենալու հատուկ հայտարարություն, որին հետևում ենք: Մեր մասով կարող եմ ասել, որ տեղի է ունենում ժամանող ուղևորների ջերմաչափում»,-նշեց նա:

Թորոսյանն ընդգծեց, որ այս պահին արձանագրված դեպքեր չկան:

«Դեռ սահմաններ փակելու կամ ուղևորահոսքեր սահմանափակելու կարիք չունենք»,-հավելեց նախարարը:

Առողջապահության նախարարը հորդորեց սպասել իրենց գերատեսչության պաշտոնական տեղեկություններին:

ՎԵՐՋԻՆ ԼՈւՐԵՐ

Վերեվ