ԱՄՆ նախագահ Դոնալդ Թրամփը նախագահական ընտրություններում նախկին փոխնախագահ Ջո Բայդենի մասնակցության մասին լուրը մեկնաբանել է թվիթերյան գրառմամբ։
«Բարի գալուստ մրցավազք, Քնկոտ Ջո։ Ես հուսով եմ՝ Դուք ունեք ինտելեկտ, ինչը վաղուց կասկածի տակ է, որպեսզի հաջողված առաջնային քարոզչություն իրականացնեք։ Դա զզվելի կլինի, Դուք գործ կունենաք հիվանդ և խելահեղ գաղափարներով մարդկանց հետ։ Սակայն եթե դուք անեք դա, ես կսպասեմ Ձեզ մեկնարկային դարպասների մոտ»,- գրել է Թրամփը
Ինչպես տեղեկացրել էինք, Ջո Բայդենը պաշտոնապես հայտարարել էր նախագահական մրցավազքին մասնակցելու մասին։ Իր հեռուստաուղերձում նա խստորեն քննադատել էր Դոնալդ Թրամփին։
