ԱՄՆ նախագահ Դոնալդ Թրամփը երեքշաբթի Ռուսաստանի ԱԳ նախարար Սերգեյ Լավրովի հետ զրույցից հետո հայտարարել է, որ անհամբերությամբ սպասում է մոտ ապագայում Ռուսաստանի հետ երկխոսության շարունակմանը։ Այս մասին նախագահը գրել է Twitter-ի իր էջում։
Դրանից բացի՝ ԱՄՆ առաջնորդը հավելել է, որ լավ հանդիպում է անցկացրել ԱԳ նախարար Սերգեյ Լավրովի և Ռուսաստանի ներկայացուցիչների հետ:
Նրա խոսքով՝ բանակցությունների ժամանակ կողմերը քննարկել են շատ թեմաներ, այդ թվում՝ առևտրի, Իրանի, Հյուսիսային Կորեայի, ՄՓՀՀ պայմանագրի, միջուկային սպառազինության վերահսկման և ընտրություններին միջամտության թեմաները:
Just had a very good meeting with Foreign Minister Sergey Lavrov and representatives of Russia. Discussed many items including Trade, Iran, North Korea, INF Treaty, Nuclear Arms Control, and Election Meddling. Look forward to continuing our dialogue in the near future! pic.twitter.com/tHecH9a9ck
— Donald J. Trump (@realDonaldTrump) December 10, 2019
Նշենք, որ Թրամփի և Լավրովի բանակցությունները, որ տեղի են ունեցել երեքշաբթի Վաշինգտոնում, տևել են 45-50 րոպե: