ԱՄՆ նախագահ Դոնալդ Թրամփը Ղազախստանի նախագահ Կասիմ-Ժոմարտ Տոկաևին հրավիրել է միանալ Գազայի խաղաղության խորհրդին։ Այս մասին տեղեկացրել է Ղազախստանի ղեկավարի ներկայացուցիչ Ռուսլան Ժելդիբայը, նշելով, որ Ղազախստանի նախագահն առաջիններից մեկն է, ով ստացել է այս հրավերը։ Տոկաևը, ի պատասխան, նամակ է ուղարկել Թրամփին՝ հայտնելով իր երախտագիտությունը և հաստատելով իր համաձայնությունը միանալու այս նոր միավորմանը։ Նա ընդգծել է, որ Ղազախստանը հանձնառու է ներդրում ունենալ Մերձավոր Արևելքում երկարատև խաղաղության հաստատման գործում։
Թրամփը Գազայի Խաղաղության խորհրդի ստեղծման մասին հայտարարել էր հունվարի 16-ին, և այդ օրը Սպիտակ տունը հրապարակել էր խորհրդի գործադիր կոմիտեի կազմը, որի մեջ ընդգրկված են ԱՄՆ պետքարտուղար Մարկո Ռուբիոն, Թրամփի հատուկ դեսպան Սթիվ Ուիթկոֆը, Ջարեդ Քուշները և Մեծ Բրիտանիայի նախկին վարչապետ Թոնի Բլերը։ Բացի այդ, ԱՄՆ վարչակազմը պահանջում է, որ խորհրդի անդամ երկրները ներդնեն առնվազն 1 միլիարդ դոլար։ Թրամփը կլինի խորհրդի առաջին նախագահը, և նա կունենա իրավասություն որոշելու, թե ով կմիանա կազմակերպությանը։