ԱՄՆ ներկայիս նախագահ Դոնալդ Թրամփը Twitter-ի իր էջում կրկին հայտարարել է, որ իրենց ու այլ դիտորդների Միչիգանում, Փենսիլվանիայում և Ջորջիայում թույլ չեն տվել մտնել ձայների հաշվարկի սենյակներ։
Թրամփը գրել է, որ կան անհերքելի ապացույցներ դրա վերաբերյալ։
Նա իր նկարագրած գործողությունները համարել է հակասահմանադրական։
Հիշեցնենք, որ նոյեմբերի 3-ին ԱՄՆ-ում անցկացվեցին նախագահական ընտրություններ, որում կային 2 թեկնածուներ՝ դեմոկրատ Ջո Բայդենն ու հանրապետական Դոնալդ Թրամփը։ Ձայների հաշվարկից օրեր անց ԱՄՆ մի շարք լրատվամիջոցներ հայտարարեցին Բայդենի հաղթանակի մասին, բայց Թրամփը համաձայն չէ այդ մտքի հետ ու շարունակում է պնդել, որ ինքն է հաղթել ընտրություններում։
There is tremendous evidence of wide spread voter fraud in that there is irrefutable proof that our Republican poll watchers and observers were not allowed to be present in poll counting rooms. Michigan, Pennsylvania, Georgia and others. Unconstitutional!
— Donald J. Trump (@realDonaldTrump) November 14, 2020