Թուրքիայի նախագահ Ռեջեփ Թայիփ Էրդողանն Անկարայում՝ «Արդարության և զարգացման կուսակցության» համաժողովում ասել է, որ Թուրքիան կշարունակի զարգացնել հարաբերությունները Ռուսաստանի, Միացյալ Նահանգների, Եվրոպական Միության և արաբական երկրների հետ՝ ելնելով սեփական շահերից և ակնկալիքներից այդ հարաբերություններից:
«Թուրքիան կշարունակի հարաբերությունները կառուցել այլ երկրների հետ՝ Ռուսաստանից մինչև ԱՄՆ, ԵՄ-ից մինչև արաբական երկրներ՝ հաշվի առնելով սեփական շահերն ու սպասելիքները»,- ընդգծել է թուրք նախագահը:
Նա նշել է, որ Թուրքիան լի է վճռականությամբ՝ ընդլայնելու բարեկամական երկրների թիվը, վերացնել տարաձայնութունները, որպեսզի տարածաշրջանը վերածի կայուն գոտու։
Այս մասին տեղեկանում ենք «ՏԱՍՍ»-ից։