Սիրիայի հյուսիսում ձեռնարկվելիք նոր ռազմական օպերացիային ընդառաջ Թուրքիայի պաշտպանության նախարարությունը գրառումով է հանդես եկել թվիթերյան պաշտոնական էջում:
Սիրիայի զինյալ քրդերին ահաբեկիչներ հռչակող գրառման մեջ նշվում է, որ թուրքական բանակը պատրաստ է պայքարել ահաբեկչական սպառնալիքների ու վտանգների դեմ:
Թուրքիայի պաշտպանական գերատեսչությունը տարածաշրջանի կայունության համար անհրաժեշտ է համարում անվտանգության գոտու և խաղաղության միջանցքի հիմնումը:
«Մեր սահմանների մոտ ահաբեկչական միջանցքի ձևավորումը մենք երբեք չենք հանդուրժելու: Օպերացիայի համար բոլոր նախապատրաստական աշխատանքներն արդեն ավարտել ենք»,-նշված է գրառման մեջ:
