fbpx
Քաղաքականություն
18:00 14/02/2020

Թուրքիայի ԱԳՆ-ն՝ Սիրիաի խորհրդարանի կողմից Հայոց ցեղասպանությունը ճանաչելու մասին

Թուրքիան արձագանքել է ԱՄՆ պատժամիջոցներին

Թուրքիայի արտգործնախարարությունը արձագանքել է Սիրիայի խորհրդարանի կողմից Հայոց ցեղասպանության ճանաչմանը և դատապարտմանը։ Թուրքիայի ԱԳՆ-ի մամուլի խոսնակ Համի Աքսոյը Սիրիայի խորհրդարանում Հայոց ցեղասպանությունը ճանաչող բանաձևի ընդունումը Սիրիայի իշխանությունների էությունը ցույց տվող ցայտուն օրինակ է անվանել։ Այս մասին հաղորդում է Ermeni Haber-ը։

Թուրք պաշտոնյան ասել է, որ այս որոշումը ի ցույց է դնում Սիրիայի իշխանությունների երկերեսանիությունը, քանի որ, ըստ Աքսոյի, Սիրիայի իշխանությունները սեփական ժողովրդին տարիներ շարունակ ամեն տեսակ կոտորածների են ենթարկել, միլիոնավոր մարդկանց տեղահանել են ու քիմիական զենք կիառել:

«Դեռ շարունակվում է մարդկային դրաման, որի պատճառ է դարձել ռեժիմը (Սիրիայի իշխանությունները), մեր սահմանին տեղի է ունենում պատմության ամենադաժան աղետներից մեկը»,-նշել է Թուրքիայի ԱԳՆ մամուլի խոսնակը՝ չմոռանալով շեշտել Թուրքիայի պաշտոնական թեզերը առ այն, որ «Սիրիայի ռեժիմը կորցրել է միջազգային լեգիտիմությունը»:

ՎԵՐՋԻՆ ԼՈւՐԵՐ

Վերեվ