Ռոբերտ Սուքիասյանի փաստաբան Գոռ Միքայլեյանը գրառում է կատարել Facebook-ում և հայտնում է, որ Ռոբերտ Սուքիասյանի քրեական գործով դատարանը վերացրել է կարևոր տվյալներ։
«Ռոբերտ Սուքիասյանին կալանքի տակ պահելու անհագուրդ ցանկության ու դրա բավարարման համար կատարված կեղծիքների մասին.
Օգոստոսի 10-ին հրապարակվեց Ռոբերտ Սուքիասյանի կալանքի վերաբերյալ վերաքննիչ քրեական դատարանի որոշումը: Հաշվի առնելով ՀՀ վերաքննիչ քրեական դատարանի նախագահի քմահաճույքով, առանց ծրագրի՝ ձեռքով մակագրությամբ տվյալ բողոքի քննարկման համար դատավորի /Մհեր Արղամանյան/ նշանակումը՝ բնականաբար իմ բողոքը մերժվեց:
Անսպասելին դա չէր: Անսպասելին ու վտանգավորն այն է, որ առաջին ատյանի դատարանը, հնարավոր է՝ նաև վերաքննիչ ատյանը այնքան է տարված եղել Ռոբերտ Սուքիասյանին կալանքի տակ պահելն արդարացնելու, կայացված ապօրինի որոշումն ՙՙապրեցնելու՚՚ ցանկությամբ, որ առաջին ատյանի դատարանում հետազոտված նյութերի միջից վերացրել են կարևոր, էական նշանակություն ունեցող, և իմ բողոքի հիմքում դրված տվյալներ:
- ՀՀ դատախազությունը դադարեցնեւմ է քաղաքացիներից դիմումների, բողոքների, հաղորդումների ընդունումը
- Երևանում ապօրինաբար թույլատրել են համայնքային տարածքներում մասնավոր շինարարություն. ՀՀ դատախազություն
Մասնավորապես՝ երբ առաջին ատյանի դատարանում Ռոբերտ Սուքիասյանին կալանավորելու միջնորդության քննարկման ժամանակ ուսումնասիրեցի դատարանի վարույթում գտնվող նյութերը, տեսա, որ կալանքի միջնորդությունն ուղեկցող գրության վրա նշված էր դատարանում մուտքագրման ժամը՝ ՙՙ10:50-ին՚՚: Ընդ որում՝ դա պաշտպանության տեսանկյունից շատ էական հանգամանք էր, և հենց միջնորդության մուտքագրման ժամի հետ կապված հարցն էլ ես դրել էի վերաքննիչ բողոքի հիմքում: Վերաքննիչ դատարանում բողոքի քննարկման ընթացքում պարզվեց, որ այդ ժամը նույն թղթի վրայից ջնջվել է, հավանաբար փորձելով վերացնել բողոքի մուտքագրման ժամի վերաբերյալ բոլոր ապացույցները:
Հ.Գ. Ու՞ր ենք հասել: Արդեն դատարաններն են խեղաթյուրում իրականությունը՝ ապօրինի որոշումները բեկանումից ՙՙփրկելու՚՚ համար:
Հ.Գ. Դե հիմա արի ու վստահի դատարաններին, առավելևս առաջին ատյանի դատարանում միջնորդությունը քննարկած դատավոր Վաչե Մարգարյանին, և վերաքննիչ քրեական դատարանում բողոքը քննարկած դատավոր Մհեր Արղամանյանին»,-ասվում է հաղորդագրության մեջ: