Tesla-ի և SpaceX-ի հիմնադիր Իլոն Մասկի հայտարարությունները Ուկրաինայի վերաբերյալ անհանգստություն են առաջացրել Սպիտակ տանը։ ԱՄՆ-ում մտածել են ձեռնարկատիրոջ գործարքները ստուգելու մասին, գրում է Bloomberg-ը։
Բայդենի վարչակազմի պաշտոնյաները քննարկում են, թե արդյոք ԱՄՆ-ը պետք է Իլոն Մասկի որոշ գործարքներ ենթարկի ազգային անվտանգության վերահսկողության, այդ թվում՝ Twitter Inc-ի գնումը և SpaceX Starlink արբանյակային համակարգը:
Հոդվածում ասվում է, որ ամերիկացի պետական ծառայողները անհանգստանում են՝ կապված Ուկրաինայում Starlink-ի ֆինանսավորումը չեղարկելու մասին գործարարի հայտարարությունների հետ։ Պաշտոնյաների խոսքով՝ Մասկը գնալով ավելի բարեկամական դիրքորոշում է ցուցաբերում Ռուսաստանի նկատմամբ։ Բացի այդ, նրանց անհանգստացնում է նաև մի խումբ օտարերկրյա ներդրողների հետ Twitter-ը ձեռք բերելու նրա մտադրությունը։
Նշվում է, որ Սպիտակ տանը ձեռներեցին հնարավոր ստուգումների վերաբերյալ քննարկումները վաղ փուլում են։