fbpx
Աշխարհ

Ընդունվել է Ուկրաինային նվիրված համաժողովի ամփոփիչ հռչակագիրը. Հայաստանն ու ևս մի քանի երկիր չեն ստորագրել այն

Որոշ երկրներ հրաժարվել են ստորագրել Շվեյցարիայում Ուկրաինայի վերաբերյալ համաժողովից հետո ընդունված համատեղ հռչակագիրը:

Միջոցառման կազմակերպիչները Բյուրգենշտոկի մամուլի կենտրոնի էկրաններին փակցրել են այն պետությունների ցուցակը, որոնք հավանություն են տվել վերջնական հռչակագրին։

Փաստաթղթի հրապարակումը պարզ է դարձրել, որ այն չեն ստորագրել Բրազիլիան, Հնդկաստանը, Հարավային Աֆրիկան, ԱՄԷ-ն, ինչպես նաև Հայաստանը, Բահրեյնը, Վատիկանը, Ինդոնեզիան, Լիբիան, Մեքսիկան, Սաուդյան Արաբիան, Սլովակիան և Թայլանդը։

Ուկրաինայի հարցով համաժողովն ընթանում է հունիսի 15-16-ին շվեյցարական Լյուցեռնի մոտ գտնվող Բուրգենստոկ հանգստավայրում։ Դրան մասնակցում են 92 երկրներ և 55 պետությունների ղեկավարներ, ինչպես նաև ութ կազմակերպություն, այդ թվում՝ ԵՄ-ն, Եվրոպայի խորհուրդը և ՄԱԿ-ը:

Միաժամանակ, Շվեյցարիա չեն եկել ԱՄՆ նախագահ Ջո Բայդենը, Չինաստանի նախագահ Սի Ծինփինը, Բրազիլիայի նախագահ Լուի Ինասիո Լուլա դա Սիլվան և այլք։

Որոշ մասնակիցներ, ինչպիսիք են Միացյալ Նահանգների փոխնախագահ Կամալա Հարիսը և Գերմանիայի կանցլեր Օլաֆ Շոլցը, վաղաժամ հեռացել են՝ այլ հանդիպումներ ունենալու պատճառաբանությամբ, իսկ Ճապոնիայի վարչապետ Ֆումիո Կիսիդան միջոցառմանը ներկա է եղել ընդամենը երկուսուկես ժամ:

Բեռնը Մոսկվային գագաթնաժողովի հրավեր չի ուղարկել։ Կրեմլն էլ ընդգծել է, որ ուկրաինական ճգնաժամի կարգավորման ուղիներ փնտրելն առանց Ռուսաստանի մասնակցության բացարձակապես անտրամաբանական և ապարդյուն է։

ԱՄԵՆԱԴԻՏՎԱԾՆԵՐԸ

ՎԵՐ