Ուկրաինայի Արտակարգ իրավիճակների պետական ծառայության նախագահի տեղակալ Ռոման Պրիմուշը նշել է, որ երկրում պատերազմի սկզբից ի վեր վնասվել է մոտ 3780 բնակելի շենք, ամբողջությամբ ավերվել է 651 շենք:
Նրա խոսքով՝ սա այն վիճակագրությունն է, որը փրկարարները կարողացել են ֆիքսել և գնահատել վնասի չափը՝ առանց իրենց կյանքը վտանգի ենթարկելու։ Այս վիճակագրությունը չի ներառում ռուսական զորքերի կողմից գրավված ու այնտեղ տեղակայված տարածքները, որտեղ հնարավոր չէ գնահատել ավերածությունները։