Իրավական

Ուժեղացված ծառայություն՝ Արմավիրում․ 40 վարորդի նկատմամբ արձանագրություն է կազմվել

Հունվարի 12-ին ճանապարհային ոստիկանության՝ հանրապետության մարզերը սպասարկող 2-րդ գումարտակի, ճանապարհապարեկային ծառայության բաժնի և ուղեկցող սպայական վաշտի ծառայողներն ուժեղացված ծառայություն իրականացրին Արմավիրի մարզի Արմավիր և Էջմիածին քաղաքներում։

Այս մասին հայտնում են ՀՀ ոստիկանության պաշտոնական կայքից։

Միջոցառման ընթացքում վարչական իրավախախտման վերաբերյալ արձանագրություններ կազմվեց 40 օրինազանց վարորդի նկատմամբ, 11 տրանսպորտային միջոց տեղափոխվեց ճանապարհային ոստիկանության հատուկ պահպանվող տարածք։ Ուժեղացված ծառայության ընթացքում հայտնաբերվեց առանց վարորդական իրավունքի վկայականի մեքենան շահագործող 5 վարորդ, 1 վարորդ մեքենան վարում էր առանց հաշվառման համարանիշերի, իսկ 3 վարորդներ համարանիշը սահմանված տեղում չէին փակցրել։ Հայտնաբերվեց 4 տրանսպորտային միջոց, որոնք հետախուզվում էին ճանապարհային ոստիկանության և այլ գերատեսչության կողմից։ 9 վարորդ մեքենան վարում էր հողմապակու լուսաթափանցելիության չափի խախտումով, 8-ը՝ ժամկետանց ԱՊՊԱ պայմանագրով։

Նմանօրինակ միջոցառումները լինելու են շարունակական։

Ճանապարհային ոստիկանությունը հորդորում է խստագույնս պահպանել ճանապարհային երթևեկության կանոնները և մաղթում անվտանգ երթևեկություն։

ՎԵՐՋԻՆ ԼՈւՐԵՐ

ՎԵՐԵՎ