ՀՀ վարչապետ Նիկոլ Փաշինյանի որոշմամբ՝ Վալերիյ Օսիպյանն ազատվել է վարչապետի գլխավոր խորհրդականի պաշտոնից: Այս մասին տեղեկանում ենք ՀՀ կառավարության պաշտոնական կայքից:
«Ղեկավարվելով «Հանրային ծառայության մասին» Հայաստանի Հանրապետության օրենքի 9-րդ հոդվածի 10-րդ մասով՝
Վալերիյ Օսիպյանին ազատել վարչապետի գլխավոր խորհրդականի պաշտոնից»,-նշված է որոշման մեջ:
Հիշեցնենք, որ Վալերիյ Օսիպյանը շաբաթներ առաջ էր ազատվել ՀՀ ոստիկանապետի պաշտոնից և նշանակվել ՀՀ վարչապետ Նիկոլ Փաշինյանի գլխավոր խորհրդականի պաշտոնին։
Մամուլում տեղեկություններ էին տարածվել նրա՝ հրաժարականի դիմում գրելու մասին, սակայն վերջինս հերքել էր դրանք։