ՀՀ Վայոց ձորի մարզպետ Տրդատ Սարգսյանը հրաժարականի դիմում է ներկայացրել:
Այս լուրը լրատվամիջոցների հետ զրույցում ասել է ՀՀ տարածքային կառավարման և ենթակառուցվածքների նախարարի մամուլի խոսնակ Արմինե Մուրադյանը:
Նա նշել է, որ դիմումը ներկայացրել է նախարարություն՝ սահմանված կարգով վարչապետի աշխատակազմին փոխանցելու համար։
Ավելի վաղ Սարգսյանը հայտարարել էր, որ սեպտեմբերի 24-ից մեկնարկող լայնածավալ ռազմավարական զորավարժությունների ավարտից հետո դադարեցնելու է Վայոց Ձորի մարզպետի լիազորությունները։
