Վենեսուելայում բարձրացրել են նվազագույն աշխատավարձը

Վենեսուելայի ղեկավարությունը որոշում է ընդունել երկրում նվազագույն աշխատավարձի չափը 18 հազարից բարձրացնել մինչև 40 հազար բոլիվար: Այս մասին հայտնել է El Nacional թերթը:

Պաշտոնական փոխարժեքով այդ գումարը չի գերազանցում 8 դոլարը: Առանձին կատեգորիաների աշխատողների համար նաև լրավճար է նախատեսված 25 հազար բոլիվարի չափով, ինչը կազմում է մոտավորապես 4 դոլար:

Ընդդիմությունն ավելի վաղ հայտարարել էր, որ Վենեսուելայում նվազագույն աշխատավարձ է ստանում մի քանի միլիոն մարդ։ Նրանց թվում են նաև ոստիկանները, ուսուցիչները և առողջապահության ոլորտի աշխատողները: Նրա տվյալներով՝ մինչև վերջին բարձրացումը այն ավելի քան 14 անգամ ցածր էր, քան Հաիթիում՝ Արևմտյան կիսագնդի ամենաաղքատ երկրում: