Խորհրդարան

ԱԺ-ն ամբողջությամբ ընդունեց ոչ սահմանված վայրերում առևտրի մասին նախագիծը

Ազգային ժողովը երկրորդ ընթերցմամբ և ամբողջությամբ ընդունեց Երևանի քաղաքապետարանի և Տարածքային կառավարման և ենթակառուցվածքների նախարարության մշակած նախագծերի փաթեթը, որն ուղղված է կանոնակարգելու ոչ սահմանված վայրերում առևտրի իրականացումը։

Այս մասին «Ֆեյսբուք»-ի իր էջում տեղեկացնում է Երևանի փոխքաղաքապետ Սուրեն Գրիգորյանը՝ նշելով, որ նախագծի փաթեթով համայնքի համար լիազորություն է նախատեսվում ոչ միայն տուգանել ոչ սահմանված վայրերում առևտուր իրականացնող անձանց, այլ նաև առգրավել ապօրինի առևտրի առարկա ապրանքը։

«Կարծում եմ, որ ընդունված օրենքների՝ Հանրապետության նախագահի կողմից ստորագրվելու և դրանցով սահմանված գործիքակազմի պատշաճ կիրառման դեպքում էական փոփոխությունների ականատես կլինենք այս ոլորտում։ Հուսով եմ, որ մինչ այս ապօրինի առևտուր իրականացնող անձինք կշարունակեն իրենց գործունեությունն արդեն օրինական դաշտում՝ տեղափոխվելով շուկաներ։

Շնորհակալ եմ Ազգային ժողովի գործընկերներին շահագրգիռ քննարկման, արժեքավոր ելույթների և նախագծերի փաթեթին հավանություն տալու համար»,- նշել է Գրիգորյանը։

ԱՄԵՆԱԴԻՏՎԱԾՆԵՐԸ

ՎԵՐ