Այսօր Ազգային ժողովում լրագրողների հետ զրույցում անկախ պատգամավոր Արման Բաբաջանը նշեց.
«Կարծում եմ՝ առաջիկա ընտրություններում ձևավորվելիք նոր քաղաքական միջավայրն ամբողջությամբ կփոխի շատ իրողություններ»,- ասել է պատգամավորը:
Հարցին` «եթե իշխանությունը վերընտրվի, ի՞նչ է փոխվելու», նա պատասխանել է. «Կարծում եմ՝ իշխանությունից բացի այլ ուժեր ևս կընդգրկվեն ԱԺ-ում, և բարեփոխումների այն տեմպը, որն այսօր կա, այլ արագություն կստանա։ Եթե խորհրդարանում իսկապես որակյալ ընդդիմություն ունենանք, ցանկացած իշխանությանը կարելի է պարտադրել գնալ բարեփոխումների ճանապարհով։ Վստահ եմ, որ առաջիկա ընտրություններն ավելի շատ ընդդիմության ընտրություններ են, պետք է կենտրոնանանք որակյալ ընդդիմություն բերելու վրա ազգային ժողով»։