Տիեզերագնացների կենսապահովման արդի համակարգերը բավականաչափ արդյունավետ չեն պաշարների վերամշակման տեսակետից և բավականաչափ հուսալի չեն հեռավոր տիեզերք առաքելությունների համար: Այս կարծիքը հայտնել է ամերիկյան կողմի տիեզերական կենսաբանության և բժշկության աշխատանքային խմբի ղեկավար Քրեյգ Քունդրոթը:
«Կենսապահովման համակարգերը մենք պետք է ավելի արդյունավետ դարձնենք պաշարների կրկնական օգտագործման և երկրորդային վերամշակման առումով: Որքան շատ հեղուկ մենք կարողանանք վերամշակել, այնքան ավելի քիչ ջուր հարկավոր կլինի վերցնել առաքելության համար»,- ասել է Քունդրոթը ՌԻԱ Նովոստիին տված հարցազրույցում:
Նա նաև նշել է, որ այժմ անձնակազմերը թռչում են երկրաշուրջ ուղեծրում, և եթե նրանց մոտ ինչ-որ բան է փչանում տիեզերքում, փոխարինման համար Երկրից դետալների առաքումն առանձնահատուկ դժվարություն չի առաջացնում:
«Մարս թռչելու դեպքում Երկրից լրացուցիչ բեռների առաքումը հազիվ թե իրագործելի լինի: Մենք պետք է ամեն ինչ վերցնենք մեզ հետ: Այստեղից էլ պահանջը տեխնիկայի նկատմամբ, որպեսզի այն բացառիկ հուսալի լինի»,- հավելել է Քունդրոթը:
ԽՈՐՀՈւՐԴ Է ՏՐՎՈւՄ ԿԱՐԴԱԼ
