Sputnik Արմենիայի թղթակցի հետ զրույցում Aliq Media լրատվական գործակալության լրագրող Նորայր Գասպարյանը հայտնել է, որ Վրաստանի Սադախլո գյուղում ադրբեջանցիները հարձակվել են հայի վրա։
Լրագրողը նշել է, որ բախումը եղել է ադրբեջանցիների և իր ընկերոջ միջև։ Ծեծկռտուքի պատճառը հայտնի չէ։
«Բախում է տեղի ունեցել, սակայն դեռ հայտնի չէ՝ արդյոք խնդիրը «ազգային հողի վրա է», թե՝ ոչ» , – նշել է Նորայր Գասպարյանը։
Մինչ այս Գասպարյանը հայտնել էր, որ իր ընկերոջը ծեծի են ենթարկել և փախուստի դիմել։ Բախումը եղել է Սադախլո գյուղի ոստիկանության տարածքային բաժնի մոտ։
Նորայր Գասպարյանը հավելել է, որ ընկերոջը լուրջ վնասվածքներ չեն հասցվել։