Փետրվարի 21-ին Վրաստանի պաշտպանության նախարար Լևան Իզորիայի գլխավորած պատվիրակությունը կժամանի Երևան:
Հայաստանի ու Վրաստանի պաշտպանության նախարարներ Դավիթ Տոնոյանն ու Լևան Իզորիան պաշտպանական գերատեսչությունների միջև 2019 թվականին համագործակցության մասին երկկողմ համաձայնագիր կկնքեն:
Համաձայնագրի շրջանակներում նախատեսվում է բարձր մակարդակի փոխադարձ այցեր կազմակերպել, համագործակցել պաշտպանական կրթության ու իրավունքի ուղղությամբ։
Վրաստանի պաշտպանության նախարարի պաշտոնում նշանակվելուց հետո սա Իզորիայի առաջին այցը կլինի Հայաստան։
