Վրացական ոստիկանությունը լույս նոյեմբերի 26-ի գիշերը ջրանետներ է կիրառել Թբիլիսիում խորհրդարանի շենքի մոտ հանրահավաքի մասնակիցներին ցրելու համար: Այս մասին հաղորդում է Reuters գործակալությունը
«Նոր Վրաստան» կուսակցության առաջնորդ Գեորգի Վաշաձեն գործակալության լրագրողներին պատմել է մի քանի մարդու, այդ թվում՝ ընդդիմադիր քաղաքական գործչի ձերբակալության մասին:
Ցուցարարները փորձում են պատգամավորներին զրկել երեքշաբթի օրը լիագումար նիստ անցկացնելու հնարավորությունից:
Հաղորդվում է, որ ոստիկանությունն այժմ վերահսկում է խորհրդարանի շենքի մուտքերը, սակայն ցուցարարների շղթան և նրանց մի քանի վրաններ շարունակում են մնալ տարածքում:
Բողոքի ցույցերը վերսկսվել էին երեկ:
Հիշեցնենք, որ «Վրացական երազանք» կուսակցության գլխավոր քարտուղար, Թբիլիսիի քաղաքապետ Կախա Կալաձեն հայտարարել է, որ փոխզիջումներ չեն լինելու։
Նոյեմբերի 14-ից ի վեր, երբ տապալվեցին օրենսդրական փոփոխությունները, Թբիլիսիում բողոքի ակցիաները չեն դադարում: Իշխանություններին ստի մեջ մեղադրող ընդդիմադիրները կառավարությունից պահանջում են հրաժարվել աթոռներից և արտահերթ ընտրություններ անցկացնել համամասնական ընրակարգով: