Ղազախստանում սանիտարահամաճարակաբանական անվտանգությունը խիստ պահպանելու դեպքում հնարավոր է, որ կարանտինը մեղմելու քայլեր ձեռնարկվեն:
Այս մասին կառավարության նիստի ժամանակ հայտնել է երկրի վարչապետ Ասքար Մամինը: Նա նշել է, որ ապրիլի 20-ից Նուր Սուլթանում և Ալմաթիում կարանտինային ռեժիմը մեղմվել է և մի շարք ձեռնարկություններ վերսկսել են իրենց գործունեությունը:
«Նույնպիսի աշխատանք կտարվի նաև հանրապետության մյուս տարածքներում: Այդուհանդերձ, դա հնարավոր է միայն սանիտարահամաճարակաբանական անվտանգությունը խիստ պահպանելու դեպքում»,- նշել է Մամինը:
Այս մասին հայտնում է sputniknews.kz-ը: